InicioSociedadeO Concello de Lugo tallará dous tilos da Avenida Ramón Ferreiro polo...

O Concello de Lugo tallará dous tilos da Avenida Ramón Ferreiro polo “elevado risco de caída” tras un informe técnico

O informe técnico detalla que a estabilidade dos exemplares se ve comprometida polo seu estado estrutural e a contorna.

PUBLICADA O

- Advertisement -

O Concello de Lugo anunciou que procederá á tala de dous tilos na Avenida Ramón Ferreiro (á altura dos números 14 e 21), tras recibir un informe técnico que determina o “risco elevado de caída ou ruptura” de ambos os exemplares, comprometendo a seguridade viaria e peonil na zona.

O informe, elaborado polos enxeñeiros da empresa concesionaria do mantemento de parques e xardíns, detalla as razóns específicas para cada árbore: o primeiro tilo, situado fronte á oficina da Policía Nacional do DNI, experimentou un “notable incremento da súa inclinación” desde 2018, proxectándose “perigosamente” sobre a calzada. Pola súa banda, o segundo tilo sufriu un sinistro en maio de 2023 que lle provocou unha grave perda de cortiza, desencadeando un proceso de apodrecemento interno que compromete de maneira crítica a súa estabilidade estrutural.

O Goberno local confirmou que, co fin de preservar o carácter verde da Avenida Ramón Ferreiro e cumprir co plan municipal de arborado, ambos os exemplares serán repostos. A nova plantación realizarase durante a próxima primavera, despois de agardar a que se complete a desactivación biolóxica dos sistemas radiculares orixinais.

+ posts

ÚLTIMAS

O PSOE defende un “proxecto da xente” fronte a unha dereita centrada en “desmantelar” servizos públicos

Os candidatos do PSdeG-PSOE ao Congreso e ao Senado pola provincia de Lugo, Patricia...

Condenan a nove anos por maltratar e agredir sexualmente á filla menor da súa parella

A sección segunda da Audiencia Provincial de Lugo condenou a nove anos e un...

Benigno Gómez (PSOE), o alcalde que deixa Cervantes para gozar da xubilación tras cinco maiorías absolutas

O socialista Benigno Gómez, nacido en 1953, presentou este luns a súa renuncia como...

Begonte chora a Jesús Domínguez Guizán, o cura que puxo no mapa o seu belén

O Concello de Begonte (Lugo) declarou dous días de loito pola morte o pasado...