Un home de 55 anos de idade que responde as iniciais J.I.P. faleceu a tarde deste domingo no municipio lucense de Cospeito tras ser picado por avespas velutinas mentres estaba de caza. Segundo informou a Europa Press o alcalde de Cospeito, Armando Castosa, a vítima saíra a cazar perdices a un monte próximo á parroquia onde residía, Xustás, cando ao redor das 15.00 horas foi picado por avespas velutinas.

Dado que o irmán do falecido é alérxico ás picadas deste insecto, mesmo se deu a voz de alarma para que lle fose achegado ao lugar dos feitos o medicamento oportuno, pero non se puido facer nada pola súa vida.

Ata o lugar desprazáronse dúas ambulancias e barallouse a posibilidade de mobilizar tamén ao helicóptero de emerxencias, pero xa non se completou esta manobra porque o home faleceu. “Foi todo moi rápido”, lamentou o alcalde.