Axentes da Policía Local detiveron en Lugo a un home como autor dun presunto delito de violencia de xénero despois de que varias testemuñas observasen como golpeaba a unha muller contra un coche e profería insultos contra ela “de extrema gravidade”.
Os feitos producíronse na madrugada do pasado domingo na rúa Xosé Novo Freire e o arresto produciuse tras unha chamada ao 092 que alertou sobre un caso de violencia de xénero na vía pública.
Os axentes, ademais de proceder á detención do home, ofreceron acompañamento á vítima que preferiu non acudir nese momento ás dependencias policiais, optando por regresar ao seu domicilio, sendo informada os pasos a seguir.
OUTRAS ACTUACIÓNS
Noutra orde de cousas, axentes da Policía Local e da Nacional realizaron dúas inspeccións en locais de lecer por, supostamente, levar a cabo a súa actividade fose do horario permitido, operando como after-hours en zonas residenciais da cidade.
As inspeccións culminaron coa identificación de 25 persoas e a apertura de dúas actas por tenencia de sustancias de estupefacientes e outras dúas por desobediencia ou falta de respecto a axentes actuantes.
