A Sala do Civil e Penal do TSXG confirmou a sentenza da sección segunda da Audiencia Provincial de Lugo na que se condenou a un home a 10 anos de cárcere por agredir sexualmente a unha menor en Lugo.
Os feitos recolleitos na sentenza relatan que o home, durante a súa estancia de fin de semana no domicilio onde vivía a nena xunto á súa familia, aproveitando que nese momento atopábanse eles dous sós, entrou na súa habitación e ofreceulle diñeiro para poder ter relacións. Cando ela lle rexeitou, volveu e obrigouna quitándolle a roupa e forzando a penetración.
A moza, que contaba 14 anos de idade naquel momento, avisou á súa nai cando o home se marchou, que a levou médico, onde lle fixeron unha exploración. Nas probas posteriores, atopáronse restos de ADN na vaxina da moza, algo que foi determinante na condena inicial e tamén na desestimación do recurso imposto pola defensa do acusado, que negaba a validez da mesma.
Tamén se presentou recurso á sentenza por partes dos pais, que pedían un aumento da pena ata os 15 anos e cifraban a indemnización en 150.000 euros fronte aos 10.000 que se estableceu no primeiro xuízo.
30.000 EUROS DE INDEMNIZACIÓN
A Sala rexeitou a petición de aumentar a pena de prisión, pero acolleu o correspondente á indemnización. Fundamentan esta decisión en que a menor tiña catorce anos cando tiveron lugar os feitos, unha idade na que “as agresións sexuais son especialmente prexudiciais”. Por ese motivo, fixa a contía en 30.000 euros.
