InicioSociedadeUn detido en Lugo por unha suposta agresión sexual a unha menor...

Un detido en Lugo por unha suposta agresión sexual a unha menor durante a Noitevella

Tres horas despois, outro home foi arrestado na rúa Mariña Española pola Policía Local por agredir á súa exparella, que decidiu non presentar denuncia.

PUBLICADA O

- Advertisement -

Un home de 24 anos foi detido en Lugo por participar nunha suposta agresión sexual cometida contra unha menor de 16 anos durante Noitevella. Segundo informou a Policía Local de Lugo, a vítima denunciou que cando saía dun local de lecer nocturno ao redor das 03.00 horas da madrugada de Fin de Ano foi abordada e rodeada por un grupo de homes.

Dous dos membros do grupo comezaron a realizar tocamentos á menor, que quedou paralizada ata que puido chamar ao seu noivo, quen, momentos máis tarde, relatou o sucedido a unha patrulla da Policía Local que se atopaba na Rolda da Muralla. Un dos presuntos agresores, un home de 24 anos, foi interceptado na Rúa Santiago e detido para ser traslasdado a dependencias policiais.

VIOLENCIA DE XÉNERO

Tres horas despois, outro home foi arrestado na rúa Mariña Española pola Policía Local por agredir á súa exparella, que decidiu non presentar denuncia. Unha testemuña relatou aos axentes que o home, que no momento no que chegou a patrulla se atopaba suxeitando a outro home, agarráraa, zarandeáraa e empuxáraa contra un portal.

Doutra banda, ás 12.00 horas do mércores 1 de xaneiro, outro home foi detido por un delito de violencia de xénero cometido contra a súa muller nun domicilio da praza Viana do Castelo. Os axentes personáronse na vivenda despois de recibir unha alerta. Unha vez alí, a filla do matrimonio, de 12 anos, relatou aos policías que o seu pai zarandeara á súa nai, algo que ocorría con frecuencia. A vítima confirmou a versión da súa filla e contou aos axentes que, un ano antes, o seu marido agredíralle na vía pública causándolle unha ferida nun ollo, aínda que non o denunciou. O home foi arrestado e trasladado a dependencias policiais, mentres que a vítima e a súa filla foron evacuadas a un centro hospitalario para que recibisen atención médica.

ÚLTIMAS

O Concello de Lugo destaca que o Arde Lucus consolida á cidade como “referente turístico”

A edil de Cultura, Turismo e Promoción de Lingua do Concello de Lugo, Maite...

Condenado a 26 anos de cárcere o home que asasinou a Cristina Cabo no seu domicilio de Lugo

A sección segunda da Audiencia Provincial de Lugo condenou, en base ao veredicto do tribunal do...

A Deputación de Lugo aproba o patrocinio dunha etapa da Vuelta a España, do Caudal Fest e melloras no Museo Provincial

A Xunta de Goberno da Deputación de Lugo aprobou este venres dúas actuacións promocionais e unha importante...

A licitación de Adif na liña entre Monforte e Lugo, entre as obras investigadas pola UCO

A Unidade Central Operativa (UCO) da Garda Civil sostén que os contratos de obra...