Un neno de tres anos foi localizado nunha praza da cidade de Lugo cando camiñaba só mentres os seus pais se atopaban no interior dun local de culto. Segundo informou este martes a Policía Local, os feitos tiveron lugar o pasado domingo, cando varias persoas alertaron de que o neno camiñaba só sen compañía dun adulto.
Tras facerse cargo do menor e iniciar as investigacións para localizar aos seus pais, estes foron localizados no interior dun local de culto. A Policía Local explicou que os proxenitores sinalaron que os nenos quedaran a cargo doutros máis maiores, mentres eles cumprían coa súa relixión e que descoñecían por que se extraviou.
Os pais fixéronse cargo do neno e a Policía Local levantou a acta de infracción apra a súa remisión ao órgano competente de menores.
