O Concello de Lugo recibiu este martes tres sentencias polas que se desestiman os recursos do Banco Santander pola derriba das torres do Garañón.
En concreto, a entidade bancaria, propietaria da parcela onde se situaba o inmoble, consideraba que a decisión do consistorio local de executar o derrube era ilegal, pero agora a Xustiza tombou os seus argumentos en tres sentencias notificadas este martes.
Agora, o Banco Santander terá 15 días para interpor recursos de apelación ante o Tribunal Superior de Xustiza de Galicia (TSXG).
