InicioSucesosUn detido pola agresión e roubo nunha panadaría de Lugo

Un detido pola agresión e roubo nunha panadaría de Lugo

O home foi detido a raíz do asalto de dous encapuchados, que bateron na traballadora da limpeza cando pechaba o negocio

PUBLICADA O

- Advertisement -

A Policía Nacional detivo a un sospeitoso do roubo con violencia nunha panadaría de Lugo, no que participaran dous encapuchados. Os asaltantes aproveitaran o intre en que unha traballadora da limpeza pechaba o establecemento, ameazándoa e batendo nela, para roubar no local.

Os axentes localizaron e detiveron a este home de 30 anos na madrugada deste domingo, día 16. Os feitos sucederan pouco antes, contra a unha e media da mañá. Como recolle GaliciaConfidencial, un garda civil fóra de servizo advertiu o proceder sospeitoso de dous individuos, e inmediatamente despois, os berros da muller agredida.

Coa chegada dos efectivos policiais, a traballadora da limpeza relatou o asalto. Segundo a información difundida, a señora atopábase pechando o portal cando apareceron os dous encapuchados, que a ameazaron cun coitelo, nun intento por reducila e que non levantase a voz. Un dos agresores chegou a agarrala polo pescozo, lanzándoa acto seguido. Os dous sospeitosos levaron cartos da caixa rexistradora e colleron unha caixa de caudais.

Trala fuxida, o relato da vítima e o testemuño dun particular permitiron seguir a pista dun dos supostos atracadores. Así, a Policía Nacional localizou nun edificio ao agora detido, un home con antecedentes penais que pasou a disposición xudicial este martes.

ÚLTIMAS

Coñece a programación da Semana de Cinema de Autor de Lugo: 148 filmes e homenaxe a María Vázquez

Máis de 148 películas formarán parte este mes de setembro da Semana de Cinema de...

Outro incendio rexistrado nunha nave do Ceao provoca cuantiosos danos materiais, aínda que non se rexistran vítimas

Un incendio declarado na noite deste mércores nunha nave do polígono industrial de O...

Vicepresidencia da Deputación de Lugo non dará apoio económico a actividades con participación israelí

A Vicepresidencia da Deputación de Lugo, do BNG, anunciou que non financiará actividades nin...

Detido en Lugo por ameazar con navalla a dous menores que xogaban na rúa

A Policía Nacional detivo en Lugo a un home de 64 anos de idade...