Os controis de seguridade realizados pola Policía Local de Lugo deixaron máis dunha decena de positivos en alcol e dous por drogas –en cocaína e THC– de condutores durante o fin de semana.

Entre estas actuacións, a Policía Local informa de que dúas son delitos contra a seguridade viaria: un condutor co carné de permiso de condución retirado e outro cun positivo en alcol alcanzado de 0,79 mg/l.

Por outra banda, o pasado sábado, rexistrouse un accidente na avenida Infanta Elena que deixou a unha persoa ferida –trasladado en ambulancia ao HULA– por unha saída de vía na que o coche impactou contra un farol e un sinal de circulación. Deu negativo en probas de alcol e drogas.