A Dirección Xeral de Emerxencias e Interior da Vicepresidencia Primeira da Xunta activou para este mércores a alerta laranxa pola previsión de treboadas na montaña de Lugo.
Segundo a Axencia Estatal de Meteoroloxía (Aemet), o fenómeno meteorolóxico adverso estará activo desde primeira hora a tarde deste xoves, e pode estar acompañado de sarabia.
Ademais, está activado tamén o aviso amarelo por treboadas desde primeira hora da tarde no centro e sur da provincia de Lugo, así como na montaña e na zona de Valdeorras, provincia de Ourense. Neses casos, as treboadas estarán acompañadas por choivas que poden acumular ata 25 mm nun agora e non descarta sarabia.
Por este motivo, para garantir a seguridade das persoas e os bens, o Centro Integrado de Atención ás Emerxencias, CIAE 112-Galicia, informou da situación aos concellos das provincias afectadas, deputacións, servizos provinciais e agrupacións de voluntarios de Protección Civil e aos clubs náuticos, entre outros. A Xunta aconsellou consultar e informarse na web do 112 Galicia.
