Comisións Obreiras (CCOO) denuncia un “bloqueo” por parte das patronais á negociación dos convenios colectivos no sector servizos da provincia de Lugo. Por iso, solicitou a intermediación do Consello Galego de Relacións Laborais.

Segundo denunciaron representantes do sindicato este mércores nunha rolda de prensa, esta situación arrástrase “desde o ano 2010” e “non só non houbo actualizacións salariais” –si as subidas do salario mínimo interprofesional–, senón que tampouco “se actualizaron beneficios sociais” que se incorporaron noutras provincias.

CCOO cre que esta situación está xa en “un límite inaceptable” e culpa tanto á patronal como ás administracións, por permitir “unha fuga do mercado laboral” cara a outras provincias con mellores condicións.

Neste contexto, o sindicato xa deu o “primeiro paso” convocarse ás patronais a través do Consello Galego de Relacións Laborais para buscar unha mesa de negociación dun convenio xeral para o comercio lucense.