InicioSucesosFoxe dun control de alcoholemia, circula a gran velocidade, en sentido contrario...

Foxe dun control de alcoholemia, circula a gran velocidade, en sentido contrario e de modo temerario

PUBLICADA O

- Advertisement -

A Policía Local de Lugo investiga a un mozo de 21 anos de idade como presunto autor de dous delitos contra a seguridade viaria, tras fuxir a toda velocidade dun control de alcoholemia, circulando de forma temeraria e pondo en risco a vida doutros usuarios da vía, incluídos os axentes que lle perseguían.

Segundo informaron este mércores fontes policiais, os feitos ocorreron na madrugada do 19 de xaneiro, cando unha patrulla deu o alto a un vehículo na Praza de Bretaña, ao observar que non levaba iluminación na parte posterior. Ao dirixirse ao condutor, os axentes observaron que presentaba signos de estar baixo os efectos do alcol, pero o mozo negouse a realizar as probas de alcoholemia e drogas.

De forma repentina, puxo en marcha o coche e saíu fuxindo de forma brusca, a gran velocidade, circulando por varias rúas e chegando a chocar contra outro vehículo estacionado. A policía saíu na súa persecución pero, lonxe de deterse, o condutor acelerou a marcha, sen respectar os sinais de ‘stop’, meténdose por dirección prohibida, e mesmo chegando a alcanzar o 170 km/hora.

Na súa fuxida, circulou por baixo da N-6 en sentido prohibido cara á Ponte Romana e, ao virar cara á ligazón da estrada nacional, saíuse da vía debido á gran velocidade que levaba, atravesando a cuneta, pero aínda así non detivo a súa marcha, pola N-6 en dirección Madrid.

Varias patrullas incorporáronse á persecución e un dos coches policiais logrou porse á súa altura, pero o condutor sospeitoso realizou unha manobra perigosa, acantoando ao coche policial, que tivo que frear para evitar chocar contra a mediana. Outro coche patrulla logrou adiantar ao turismo fuxido para cortarlle o paso, pero o condutor fixo un xiro sorpresivo de 180 graos e, tras circular un tramo en sentido contrario pola N-6, saíu desa vía cara ao Camiño de Anguieiro, e logrou escapar.

A Policía despregou un operativo de procura pola zona e localizou o coche, abandonado entre dúas casas, no lugar de Seoane. A partir de aí iniciáronse as pescudas para tratar de dar co condutor e, tras examinar as cámaras de seguridade da zona, púidose comprobar (mediante as imaxes achegadas por unha gasolineira) que o condutor se atopaba esperando un taxi, no que abandonou o lugar.

A Policía tomou declaración ao taxista e así puido identificar ao condutor temerario, que foi notificado como investigado por delitos contra a seguridade viaria. O coche foi retirado ao depósito municipal e instruíronse dilixencias para remitir ao xulgado. Pola súa banda, o condutor, un mozo de 21 anos domiciliado nunha localidade próxima a Lugo, negouse a declarar en presenza do seu avogado.

ÚLTIMAS

Polémica por 300 hectáreas de monte veciñal no paraíso hippie de Negueira de Muñiz

É posible atopar restos de neve nos costados da sinuosa estrada que descende desde...

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...