InicioSociedadeO TC nega a vulneración de dereitos da nai dun neno de...

O TC nega a vulneración de dereitos da nai dun neno de Lugo, que non quería vacinar ao menor contra a Covid

O neno foi finalmente vacinado, tras atender os xulgados a petición do pai

PUBLICADA O

- Advertisement -

O Tribunal Constitucional ditou sentenza na que desestima o recurso de amparo presentado pola nai dun neno de Lugo, que pleiteou contra o pai pola súa oposición a que o menor fose vacinado contra a Covid. A nai alegaba que, no proceso xudicial (que acabou dando a razón ao pai), vulneráronse os seus dereitos fundamentais, pero o Constitucional desestimou dita pretensión.

O pai do menor solicitou intervención xudicial ante a negativa da nai a vacinar ao neno, de 7 anos nese momento. A muller alegaba que non había evidencias médico-científicas que avalasen as vantaxes da inoculación e que a incidencia da enfermidade en nenos era moi baixa.

Un xulgado de primeira instancia de Lugo desestimou a oposición da nai e outorgou ao pai a facultade de decidir sobre a vacinación do neno. A nai recorreu a decisión, pero a Audiencia desestimouna, e expuxo que había informes periciais que puñan de manifesto a ausencia de risco para a integridade do menor e que a súa propia pediatra recomendaba a vacinación.

O neno foi finalmente vacinado pero, con todo, a nai presentou recurso de amparo ante o Constitucional, ao considerar que se vulnerou o seu dereito á tutela xudicial efectiva e tamén o dereito á igualdade (ao outorgar capacidade de decisión ao pai, que non ostenta a garda e custodia, e alegando que “non se ocupou nunca de forma activa do neno nin do seguimento da súa saúde”).

O Tribunal Constitucional, nunha sentenza de decembro pasado e que foi publicada este xoves no BOE, desestima o recurso da nai, declarando que non se vulneraron dereitos fundamentais, e que as resolucións de instancia adoptáronse baseadas no interese superior do menor.

ÚLTIMAS

A irmá da muller asasinada en 2016 polo “mal funcionamento” da Casa da Muller de Lugo recorrerá ao TSXG

Martina Gómez Nieto, irmá da muller asasinada polo seu esposo no municipio de Becerreá...

Investigan a un menor de 14 anos que conducía un coche sen carné en Vilalba

Un menor de 14 anos foi interceptado en Vilalba conducindo un cuadriciclo lixeiro sen permiso...

Desaloxados os veciños dun edificio de Lugo tras rexistrarse un incendio nunha das vivendas

Os veciños dun edificio situado na rúa Sanxillao de Lugo tiveron que ser desaloxados...

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...