O Boletín Oficial do Estado (BOE) publicou este luns a oferta na que sae a poxa por 10.665.000 euros a parcela onde se situaba o edificio de O Garañón, nas Costas do Parque da capital lucense.
Segundo detállase no BOE, trátase da parcela resultante ‘A’ do proxecto de distribución da unidade de actuación DS-5 (Costas do Parque) do plan xeral de ordenación urbana de Lugo, na zona máis próxima ás Costas do Parque, de forma irregular, dunha superficie de 3.662 metros cadrados.
O escrito, xestionado polo Xulgado de Primeira Instancia número 4 de Ourense, recolle unha débeda reclamada ao dono anterior de 14.498.887,93 euros. O pasado mes de xuño iniciouse o derrube do edificio do Garañón, nunha zona que o Concello de Lugo ten intención de converter “nun novo pulmón verde” para dar continuidade ao Parque de Rosalía e ás Costas do Parque.
