InicioEconomíaAdif evita detallar os prazos para a chegada da Alta Velocidade a...

Adif evita detallar os prazos para a chegada da Alta Velocidade a Lugo

O administrador ferroviario confirma que a Alta Velocidade estará funcionando en Galicia en 2019 pero evita detallar cando disporá Lugo desta conexión

PUBLICADA O

- Advertisement -

Adif mantén os plans do Goberno saínte no tocante á Alta Velocidade en Galicia, prevista para 2019. Así as cousas, a presidenta do administrador ferroviario, a lucense Isabel Pardo de Vera, evitou dar un prazo para a cidade de Lugo durante a reunión co secretario xeral do PSdeG, Gonzalo Caballero.

A xuntanza de traballo serviu para que o dirixente dos socialistas galegos abordase con Adif os proxectos das estacións intermodais, a conexión de Alta Velocidade e a inclusión de Galicia no corredor atlántico ferroviario.

“Ningún risco orzamentario”

O ente estatal asegurou a Caballero que “todas as obras están contratadas” no que atinxe á conexión de Alta Velocidade de Ourense coa Meseta, polo que non hai “ningún risco orzamentario” que altere a planificación gubernamental. Adif garante que dará cumprimento aos compromisos do executivo saínte e do que dirixe Pedro Sánchez.

Así, o secretario xeral constatou que o avance dos traballos é “axeitado”, e que se están facendo “esforzos” no Ministerio de Fomento para “desenvolver a chegada do AVE a Lugo“. Pardo de Vera trasladou a Caballero o “importante compromiso” do Goberno na consecución da Estación Intermodal de Lugo.

A máxima representante de Adif explicou que existen avances para a inclusión de Galicia no corredor atlántico de mercadorías. Sen precisar o papel que xogará Monforte de Lemos como hipotético centro loxístico, o escenario contemplado polo departamento é que poderá recibir fondos comunitarios para a mellora da rede ferroviaria no plan orzamentario 2021-2027. O líder socialista valorou a importancia desta futura infraestrutura para a mellora da competitividade do ferrocarril e os portos galegos.

O Eixo Atlántico propón a Fomento tres novas conexións ferroviarias para Lugo

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...