- Advertisement -
Os Bombeiros de Vilalba rescataron este xoves o corpo dun home de 90 anos do interior dun pozo de xurro situado nunha explotación gandeira de Abadín.
Tras a localización do corpo, ata a zona, na parroquia de Baroncelle, desprazáronse efectivos da Garda Civil, que solicitaron a colaboración dos bombeiros.
Os feitos sucederon nunha explotación agrícola situada no lugar de Castiñeiro sobre as 12,30 horas. Os axentes investigan as circunstancias e os motivos polos que o ancián caeu ao pozo.
