InicioSociedadeEn liberdade o profesor de autoescola de Lugo que tentou violar a...

En liberdade o profesor de autoescola de Lugo que tentou violar a unha alumna

O sesaxenario que tentou agredir sexualmente á alumna durante unha clase práctica pasa a disposición xudicial con orde de afastamento

PUBLICADA O

- Advertisement -

GaliciaConfidencial | Un profesor de autoescola foi detido en Lugo por tentar agredir sexualmente a unha das súas alumnas durante unha clase práctica de condución. O sexaxenario foi posto a disposición xudicial, tras o cal quedou en liberdade cunha orde de afastamento sobre a presunta vítima.

Segundo informan fontes da Policía Nacional a Europa Press, a moza acudiu á comisaría de Lugo o pasado luns para pór unha denuncia, onde manifestou que fora obxecto dunha agresión sexual por parte do profesor.

Ademais, a alumna declarou que o home levaba días dicíndolle frases fóra de ton e ata que, nalgún momento, chegou a ensinarlle vídeos con contido pornográfico. Así, o último día que tiveron xuntos unha clase práctica, levouna co coche a un escampado e quixo agredila sexualmente, tal e como indicou a moza. Finalmente, o home desistiu desta acción ao ver que a moza opuña resistencia.

Orde de afastamento

Deste xeito, axentes da Policía Nacional arrestou o martes ao presunto agresor, tras o cal pasou a disposición xudicial no Xulgado de Instrución Número 3 de Lugo, onde foi posto en liberdade cunhaorde de afastamento sobre a moza.

Fontes do corpo apuntan a que este suceso se trata dun episodio puntual, pois o detido non tiña antecedentes nin constan máis denuncias contra o profesor. A Policía Nacional mantén aberta a investigación.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...