Axentes da Policía Local de Lugo atoparon na tarde deste xoves o cadáver dunha persoa no interior da súa vivenda, despois de que os seus veciños alertasen de que levaban “varios días” sen velo e que da vivenda saía “un cheiro estraño”.
Unha patrulla da Policía Local se personó no edificio, situado en cálea Pintor Laxeiro, a petición dos veciños. Alí, comprobaron que o coche do propietario da vivenda estaba no garaxe e falaron con outros propietarios, que apuntaron que facía días que non o vían. Tamén se constatou que o home non estaba ingresado no hospital.
Ata o lugar desprazouse entón unha dotación de Bombeiros, que accederon á vivenda e atoparon o corpo sen vida do home na cama. No suceso interveu tamén un equipo de Policía Científica da Policía Nacional e o forense.
