Detido en Lugo por presuntamente estafar a unha ex compañeira de traballo

Utilizou fraudulentamente os seus datos do DNI.

Estafa en liña a través dun ordenador e uso de web de compra de produtos online / POLICÍA NACIONAL - Arquivo

Policía Nacional detivo en Lugo a un home de mediana idade, veciño da cidade, como autor dun delito de estafa e suplantación de identidade. Os feitos foron postos en coñecemento da Policía Nacional a través da persoa estafada, quen recibiu no seu domicilio un requirimento bancario por falta de pagamento de tres préstamos solicitados a unha entidade crediticia que non foran abonados.

A denunciante manifesta na súa denuncia que ela non solicitou ningún deses préstamos e que, por tanto, cre que está a ser victima dunha estafa. Desta maneira, iniciouse unha investigación, mediante a cal os axentes descubriron que a estafa procede de tres compras nun portal en liña, as cales foron financiadas utilizando os datos da denunciante.

Os investigadores determinan que o autor da ciberestafa utilizaría os datos do Documento Nacional de Identidade da vítima para realizar estas compras, aos que tería acceso por cuestións laborais no pasado.

Unha vez identificado o autor, procédese á súa localización e detención como presunto autor dun delito de estafa e de usurpación de identidade.