InicioEconomíaAbre o prazo para que a veciñanza de Lugo vote os Orzamentos...

Abre o prazo para que a veciñanza de Lugo vote os Orzamentos Participativos

A través dunha canle temática e outra presencial poderá decidirse o destino de 350.000 euros entre 110 propostas, a metade das presentadas

PUBLICADA O

- Advertisement -

O goberno local de Lugo abre este luns o prazo para a votación das propostas dos Orzamentos Participativos. Poderán facelo as persoas censadas en Lugo, maiores de 14 anos, ata o vindeiro 14 de novembro. 

Existen dúas canles para participar. A primeira é telemática, e precisa verificar a conta persoal na aplicación de www.loop.lugo.gal antes de que remate o día 8, para que cada persoa poida emitir un único voto. 

A segunda segunda é presencial, no Edificio de Novas Tecnoloxías da Praza Anxo Fernández Gómez. Quen opte por este procedemento deberá presentar o seu DNI, en horario de 10.00 a 13.00 e 17.00 a 19.00 horas, de luns a venres.

Deste xeito realizarase a terceira fase dos Orzamentos Participativos, logo da recollida de propostas e a avaliación por parte dos técnicos municipais. A cidadanía poderá escoller entre arredor de 110 iniciativas, a metade das propostas remitidas inicialmente. As áreas máis mencionadas son as de enxeñería, parques e xardíns, emprendemento, deportes, medio ambiente, policía local e mercados, ademais dun plan de divulgación sobre a vespa velutina.

Dotación económica

Esta ferramenta de participación democrática, impulsada polo departamento de Cidadanía que dirixe Rosana Rielo, está dotada con 350.000 euros. É unha cantidade importante, aunque relativamente pequena en comparación co esforzo, por exemplo, da Coruña. A cidade herculina adica aos seus orzamentos participativos dez veces máis investimento, cunha poboación que é dúas veces e media superior.

Por suposto, todas as propostas considerablas viables teñen asociado un custo, polo que se poderá votar todas as propostas ata o límite do orzamento previsto. A medida que se vaian seleccionando propostas o custe vaise descontando do orzamento total. Ao final da fase de votación, realizarase un reconto de maneira automática e transparente dos votos de cada proposta, e as máis votadas son as que o executivo levará a cabo.

Estas son as 28 propostas de Lugo Monumental para os Orzamentos Participativos

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...