A asociación empresarial Lugo Monumental recolleu as propostas dos seus asociados e rexistrou 28 iniciativas nos Orzamentos Participativos da Concellería de Cidadanía. Dende a patronal lucense explican que detrás dun espírito crítico debe existir a capacidade de propor e ser construtivos, e ao tempo que valoran a posta en marcha desta ferramenta, ofrecen a súa colaboración e incluso achega económica para levar a cabo algunhas das ideas.
Así, dentro do programa colaborativo do Concello de Lugo, os empresarios lucenses recollen 28 demandas que, esperan, acadarán un amplio consenso popular. Entre elas hai cuestións defendidas no pasado por Lugo Monumental e outras de novidoso corte, en especial as referidas á Praza de Abastos. En conxunto, as iniciativas da asociación abranguen cuestións de urbanismo, mobilidade, turismo, festas e outras colaboracións co tecido empresarial.
Para a mellora e dinamización do casco histórico da cidade, os empresarios adican especial atención nos Orzamentos Participativos a instalación de parques infantís, o funcionamento da venda de alimentos, as fontes no percorrido do Camiño Primitivo, e a celebración da natividade –coa proposta dun Carrusel na Praza da Soidade– ou do Magosto, na ponte do primeiro de novembro.
Urbanismo
Eliminación de barreiras arquitectónicas na Porta Falsa
Mellora de seguridade nos pasos peonís
Posta en funcionamento das fontes da Porta Miñá e da Rúa Nova
Colocación de papeleiras no casco histórico
Mobilidade
Campaña de aparcadoiro de balde no casco histórico
Turismo
Instalación de cámaras web turísticas
Sinalización turística na Estación de Autobuses
Placas Patrimonio da Humanidade
Mejora de señalización del Camino Primitivo
Sinalización con puntos LED do Camino Primitivo
Novos parques infantís
Praza da Soidade
Praza de Ferrol
Praza de San Marcos
Praza Maior
Empresa
Distintivos para os locais más antigos da cidade
Campaña de información sobre acceso de mascotas
Festas
Carrusel de Nadal na Praza da Soidade
Organización dun Magosto Popular no casco histórico
Praza de Abastos
Mercados diarios
Decoración de Nadal
Ludoteca
Wifi
Dotación de bicicletas eléctricas a Praza de Abastos e Mercado para reparto
Sinalización interior
Sinalización urbana da Plaza de Abastos
Instalación de consignas de uso profesional (refrixeradas)
Instalación de consignas de uso público
