InicioPolíticaLara Méndez e Rubén Arroxo reeditan o bipartito en Lugo

Lara Méndez e Rubén Arroxo reeditan o bipartito en Lugo

Socialistas e nacionalistas manterán as competencias que cada formación ten atribuídas con relación ao anterior mandato.

PUBLICADA O

- Advertisement -

A socialista Lara Méndez continuará sostendo o bastón de mando da Alcaldía de Lugo xunto ao primeiro tenente de alcaldesa, Rubén Arroxo, do BNG. Ambos asinaron este xoves o acordo de goberno, que ten un carácter “continuista”.

A configuración do goberno municipal, segundo detallou a rexedora en rolda de prensa, pasa por avanzar nos obxectivos marcados neste mandato, xa que ambos os partidos levarán as mesmas áreas que ata o momento.

Así, avanzaron que manterán unha “liña continuista”, incluídas as competencias que cada formación teñen atribuídas con relación ao anterior mandato, no que o PSdeG asumiu Economía, Persoal, Urbanismo, Desenvolvemento Local, Medio Ambiente e Medio Rural, Mocidade e Deportes, Muller e Igualdade. No que se refire ao BNG, encargouse de Mobilidade e Infraestruturas, Cultura e Turismo, Participación Cidadá e Educación.

ALGÚNS DOS PROXECTOS

Méndez, avanzou que o Goberno municipal continuará co impulso do modelo de cidade desenvolvido nos últimos exercicios. Continuarán cun urbanismo máis sustentable, a renaturalización dos barrios, a creación de espazos públicos máis cómodos ou o potenciar un modelo produtivo económico para reter e atraer talento, entre outras accións.

Entre os proxectos que teñen pensado realizar Méndez e Arroxo, situaron a creación de aparcadoiros disuasorios, un deles en Fontiñas, ou a elaboración dun plan integral de mellora de seguridade viaria.

Desta forma, Arroxo explicou que apostarán por “elementos que acouguen o tráfico”, que permitan aos peóns poder camiñar pola cidade, así como outros elementos de mobilidade alternativa –bicicletas ou patíns eléctricos– para poder formar parte do tráfico da cidade de forma segura.

A continuación, avanzou que continuarán cun proceso de política cultural como os deste catro anos onde se puido ver “unha cidade viva” e, sobre todo, nos meses nos que hai bo tempo e hai música nas prazas, teatro ou expresións artísticas, entre outras.

Por outra banda, o nacionalista puntualizou que seguirán “pondo en valor o patrimonio” que hai en Lugo, á vez que fixo referencia aos tres Patrimonio da Humanidade que ten a cidade.

Con isto, detallou que na Muralla “seguirán traballando” para poder continuar coa súa peonalización, pero que haberá pasos previos necesario como a finalización da Segunda Rolda, entre Agro do Rolo e a Rolda do Carme, que permitirá empezar a humanizar a zona norte da Muralla.

PETICIÓNS Á XUNTA E AO ESTADO

Os dous integrantes do goberno local esixiron á Xunta o financiamento do proxecto de rehabilitación do Cuartel de San Fernando como Museo da Romanización de Galicia, a creación de vivenda pública na cidade ou o trazado da Rolda Este de forma que “non dane o ecosistema natural do Rato”.

ÚLTIMAS

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...

Detida unha muller por violencia doméstica ao agredir ao seu home e a outra muller

Unha muller foi detida en Lugo acusada dun delito no ámbito familiar e de lesións por...

Detidos tres veciños de Vilalba acusados de vender pezas de coches por Internet e non remitilas aos seus compradores

A Garda Civil detivo a tres veciños do municipio lucense de Vilalba acusados de vender pezas...