Lugo acollerá o próximo 21 de xuño unha poxa de 89 lotes de madeira por importe de 4,5 millóns de euros que proceden de montes veciñais en man común ou de convenios ou consorcios de xestión forestal coa Consellería do Medio Rural.
O Diario Oficial de Galicia (DOG) publicou este venres a resolución da Consellería do Medio Rural que convoca esta poxa, que terá lugar en formato electrónico na Xefatura Territorial da Xunta en Lugo.
Segundo a Xunta, trátase “dunha das máis importantes” poxas dos últimos anos con lotes que superan os 185.000 metros cúbicos de madeira de coníferas –83% de piñeiro insigne, 13% de piñeiro do país e o resto de piñeiro silvestre–.
Tamén sairá a poxa “unha pequena partida” de eucaplito, como resalta a Consellería do Medio Rural, que aclara que son todos lotes de madeira verde que se poñen á venda polo sistema de risco e ventura.
