O delegado do Goberno en Galicia, José Ramón Gómez Besteiro, manifestou que a candidata do PP á alcaldía de Lugo e presidenta provincial, Elena Candia, non lle trasladou “ningún tipo de desculpas” en relación aos anónimos enviados sobre a súa persoa e que levaron, posteriormente, unha investigación contra el que o tivo apartado da política.
O PP admitiu que Candia entregou en 2013 documentación recibida “de forma anónima” no grupo provincial que “podería ser constitutiva de delito”. No entanto, alegou que foron “un fiscal e un xuíz” quen decidiron emprender unha investigación contra o socialista José Ramón Gómez Besteiro.
Na súa primeira visita institucional á cidade de Lugo como delegado do Goberno e preguntado se se desculpou con el a candidata popular, manifestou que non recibiu “ningún tipo de desculpas”. “Cada un fai o que lle parece”, dixo Besteiro quen fixo unha comparativa co personaxe principal da película ‘Casabranca’. “Odiasme, Rick?”. “Se chegara a pensar en ti algún dia, probablemente te odiaría”
