InicioSociedadeA Deputación de Lugo abre prazo para inscribirse en actividades gratuítas en...

A Deputación de Lugo abre prazo para inscribirse en actividades gratuítas en Terras do Miño e Os Ancares

O calendario inclúe unha vintena de propostas que se desenvolverán entre o 3 de abril e o 30 de xuño e os interesados poderán anotarse en varias canles

PUBLICADA O

- Advertisement -

A Deputación de Lugo abre este xoves as inscricións nas novas actividades gratuítas de lecer e educación ambiental nas reservas de Terras do Miño e Os Ancares, para as que se ofertarán 300 prazas para todos os públicos.

O calendario inclúe unha vintena de propostas que se desenvolverán entre o 3 de abril e o 30 de xuño e os interesados poderán anotarse en varias canles. No caso de Terras do Miño, as inscricións poden facerse a través da web http://inscricions.deputacionlugo.org/gl/tema/actividades-medioambientais; e as actividades nos Ancares lucenses teñen un mail para inscribirse, ancareslucenses@deputacionlugo.org, e os teléfonos 982.227.812 e 982.227.813.

A primeira actividade en Terras do Miño, ‘Naturalmente ao pé do río’, terá lugar os días 3,4,5 e 10 de abril e destínase a nenos e nenas de 6 a 12 anos de idade; do 11 ao 14 de abril haberá un taller de cultivo de flores e de primavera e verán, e de técnicas de secado de flores para adultos.

Nas semanas seguintes haberá actividades como un taller de cestaría, xornadas para aprender a optimizar as producións hortícolas, sobre mobiliario para exteriores, observación de aves na Lagoa de Cospeito, ou iniciación á encadernación xaponesa, todo eles para adultos.

O 3 de xuño terá lugar, coincidindo co Día da Bicicleta en Familia, unha actividade de 40 prazas para familias; e o día 5 dese mes, os xardíns da Deputación acollerán un concerto didáctico sobre sons da natureza.

O programa completarase con actividades conmemorativas do Día do Medio Ambiente, rutas na contorna do Centro de Interpretación Terras do Miño, talleres de ioga, xogos, etc. Nos Ancares e montes de Cervantes, Navia e Becerreá desenvolveranse actividades de formación de apicultura ecolóxica, a ruta ‘A natureza na Vía Küning (tramo 03)’, unha actividade familiar sobre xeoloxía, un curso de orientación na montaña e un campamento científico para nenos e nenas de 6 a 12 anos.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...