UGT-Lugo denunciou este luns que “practicamente todos” os centros de Atención Primaria da provincia están “colapsados”, con “falta de persoal” ante a “mala xestión” dos servizos sanitarios públicos.

Así o sinalou o secretario da Federación de Servizos Públicos de UGT en Lugo, Eliseo Rivas, quen lamentou que a Atención Primaria “segue cos males de sempre”.

Rivas non dubidou en afirmar que está “colapsada, con sobrecargas de traballo, faltas de substitucións, falta de persoal, e a mala xestión deixa en evidencia cal é a situación”. “Non só denunciámolo as organizacións sindicais, é unha situación denunciada publicamente polos cidadáns e polos colexios profesionais“, advertiu.

Eliseo Rivas cualificou de “lamentable” como se está xestionando a sanidade en Galicia, deixando a porta aberta á convocatoria doutra gran manifestación a favor da Sanidade pública.

No entanto sobre esa gran mobilización puntualizou que é un tema “que se ten que estudar, foi un éxito total e rotundo sempre que que se puxo de manifesto o rexeitamento á política sanitaria da Xunta de Galicia“, concluíu.