Funcionarios da Policía Nacional adscritos á Comisaría Provincial de Lugo, xunto con patrullas de Policía Local, realizaron un control exhaustivo nos dous locais de lecer da cidade que “maior conflitividade presentan nas últimas semanas”. En total, incautáronse 20 envoltorios de droga e foron denunciadas varios propietarios de locais que “toleraban” o consumo de sustancias estupefacientes.

Na operación participaron, ademais das citadas patrullas da Policía Local, axentes de Radiopatrullas da Policía Nacional, Policías especializados na investigación dos delitos contra as persoas e Policías pertencentes á sala do 091, quen “facilitaron e axilizaron a operación cunha rapidez extraordinaria”, segundo explican fontes policiais.

Nos locais controlados interviñéronse 20 envoltorios de droga, dos cales sete na rúa Luís Seoane. Ademais, os propietarios foron denunciados por “tolerar o consumo e venda de droga no establecemento“, segundo o estipulado na Lei de seguridade cidadá. A Policía Local realizou varias denuncias administrativas, por diferentes feitos.

Segundo a información facilitada aos medios, no local da porta de Santiago intervéñense 13 envoltorios de droga. Esta actuación deu lugar á detención dun home, que no momento de requísaa tratou de ocultalos ante a presenza policial. Ademais, a Policía Local realizou tamén varias propostas de sanción administrativa.