InicioSociedadeTampouco haberá transporte escolar este mércores nas zonas da montaña de Lugo...

Tampouco haberá transporte escolar este mércores nas zonas da montaña de Lugo polas nevadas

Máis de 1.000 escolares non asistiron este martes ao seu centro.

PUBLICADA O

- Advertisement -

Un total de sete centros da montaña de Lugo suspenderon este martes as súas clases debido ao temporal que afecta especialmente esta zona da provincia de Lugo e as zonas altas da de Ourense.

Nestas zonas, en alerta laranxa por nevadas desde este martes, máis dun milleiro de escolares non acudiron ao seu centro educativo, segundo a información facilitada pola Consellería de Educación, que acordou o pasado luns suspender totalmente o transporte escolar nas zonas de montaña de Lugo e Ourense.

Esta medida estenderase á xornada do mércores, na que tampouco haberá transporte escolar no sur de Ourense, que se suma ás montañas luguesa e ourensá como territorios en alerta laranxa por nevadas.

Así, sete centros lugueses decidiron pechar as súas portas este martes. Trátase do CFEA de Becerreá (Becerreá), o CPI de Cervantes (Cervantes), o CPI Poeta Uxío Novoneyra (Folgoso do Courel), o CEIP de Negueira de Muñiz (Negueira de Muñiz), o CEIP das Nogais (As Nogais), o CEIP de Samos (Samos) e o CEIP Eduardo Cela Vila (Triacastela).

Ademais dos 200 alumnos deste sete centros, tampouco acudiron a clase outros 400 de oito centros educativos situados nos municipios lugueses de Baleira, Becerreá, O Incio, A Fonsagrada, Navia de Suarna e Pedrafita do Cebreiro.

Así mesmo, o CEIP A Ponte da cidade de Lugo tamén tivo que suspender a súa actividade ante a crecida do río Miño, que alagou parte das instalacións deste centro.

SUSPENDIDO O TRANSPORTE ESCOLAR

Así as cousas, o servizo de transporte escolar continuará interrompido este mércores nas zonas en alerta laranxa por nevadas, é dicir, a montaña de Lugo e Ourense e o sur desta última provincia.

ÚLTIMAS

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...

A prisión un lugués por distribución de material sexual infantil

A Policía Nacional detivo a 16 persoas por posesión e distribución de material de explotación...