O grupo municipal do BNG realizou este sábado un acto de recordo, cunha ofrenda floral, polo aniversario do falecemento de Daniel Castelao.
O candidato do BNG e tenente de Alcalde do Concello de Lugo, Rubén Arroyo, foi o encargado de realizar a ofrenda coa que os nacionalistas lembran este día.
“Queremos facer este recordo simbólico para lembrar un acontecemento importante na historia do noso país”, afirmou Arroyo, que destacou ademais que “a estatua de Castelao está situada fronte ao hotel no que se celebrou a Asemblea Nacionalista en Lugo hai máis de 100 anos e que foi o punto de partida para o nacionalismo galego contemporáneo”.
Ademais, en Bonaval, en Santiago de Compostela, o secretario xeral de Política Lingüística, Valentín García, asistiu aos actos polo 73 aniversario do falecemento do intelectual galego.
