O BNG de Lugo volveu a insistir este martes na necesidade de pór en marcha un xulgado específico en violencia de xénero na cidade, que faga posible “unha atención próxima ás vítimas e reducir a perturbación que o proceso xudicial implica”.
Desta forma, o Bloque propuxo un sistema comarcalizado, no que se acollan todos os casos que ocorran en Lugo, que permita ás vítimas ser atendidas por profesionais cualificadas na materia.
O partido reiterou esta petición de crear unha sala específica de violencia de xénero, que define como “histórica” na cidade, tras a creación dun novo xulgado de familia.
A responsable da comisión de acción feminista do BNG, Elvira Lombao, indicou que “celebran contar en Lugo con este novo xulgado, pero a Xunta debería ter a mesma sensibilidade para solicitar o xulgado específico de violencia de xénero”.
