Efectivos da Policía Local de Lugo, da Policía Nacional, de urxencias sanitarias e dos Bombeiros desprazáronse ata o río Miño no seu paso pola capital provincial tras aparecer un corpo sen vida flotando na auga.

Tal como informaron fontes dos Bombeiros lucenses foi sobre as 10,30 horas desta mañá cando un alertante aseguraba ver un cadáver flotando no río.

En concreto, o suceso ocorreu na zona situada entre o Club Fluvial e a Ponte Nova, polo que os servizos de emerxencia desprazáronse ao lugar para rescatar o corpo.