Un mozo tivo que se trasladado ao Hospital Lucus Augusti (HULA), o pasado sábado, ao verse afectado o fume derivado do incendio na vivenda na que se atopaba na Ronda das Fontiñas.
Segundo explicou nun comunicado o Concello de Lugo, os efectivos da Unidade Territorial de Policía de Barrio requiriron a presenza dunha ambulancia do 061 que trasladou ao Hospital Lucus Augusti (HULA) ao único ocupante do piso.
O mozo foi afectado o fume e tivo que ser rescatado do interior dunha das estancias da vivenda, polos bombeiros. Posteriormente, comprobaron que o home presentaba unha alta taxa de alcol en sangue.
Mentres se realizaban os traballos de extinción de incendios o tráfico tivo que se cortado nunha das calzadas da vía. Tras extinguir o incendio que afectou á cociña, “causando danos de importancia”, o piso quedou precintando e os propietarios do inmoble foron advertidos, segundo informou o Concello.
UNHA MULLER DE 90 ANOS TRASLADADA Ao HOSPITAL
Na mañá do pasado domingo, a Policía de Barrio, trasladouse ata unha vivenda da rúa Xulia Minguillón tras recibir o aviso de que unha persoa, de 90 anos de idade, caera e era incapaz de levantarse.
Unha vez no lugar os axentes atópanse coa persoa que os chamou a neta da muller, que segundo lles indicou, atopábase no interior da vivenda, no chan, incapaz de facilitar o acceso.
Ante isto, os axentes alertaron aos bombeiros que accederon ao interior do inmoble por unha xanela e facilitaron o acceso ao domicilio tanto aos axentes como aos servizos sanitarios, que trasladaron á muller ao Hospital Lucus Augusti (HULA).