A Federación de Asociacións de Veciños de Lugo urxe máis vixilancia e seguridade na contorna do Hospital Universitario Lucus Augusti (HULA) para facer fronte aos ‘gorrillas’ logo de que, segundo denuncian, se intensificaran nos últimos días as ameazas e mesmo as agresións a condutores.

O presidente do movemento veciñal, Jesús Vázquez, aseverou que “a”. “Intimídanche, e volves ao teu vehículo e apa percepción que se ten ao aparcar o coche é unha sensación de medo polas coaccións a sufrir danos”, relatou.

Neste contexto, reivindicou “unha normativa dura, que ataque o problema de raíz”, porque, aínda que recoñeceu que a Policía Local e a Nacional “pon moita vontade”, a sensación “é que os resultados non son os desexados”. “Deteñenos e logo saen da Comisaría e volven ao HULA”, protestou.

O presidente da Federación calcula que son “entre oito e doce” os ‘gorrillas’ que actúan na contorna hospitalaria, nun lugar onde acredita que “sobre 5.000 vehículos” acoden diariamente. “Hai que contar con máis vixilancia, máis labor de prevención e unha normativa para atallar este problema”, insistiu.