InicioPolíticaPontón felicita o San Froilán e mostra o seu "orgullo" polo traballo...

Pontón felicita o San Froilán e mostra o seu “orgullo” polo traballo do BNG no goberno local

O BNG, asegura, logrou "impulsar" Lugo a través de políticas "diferentes" como o proceso de peonalización.

PUBLICADA O

- Advertisement -

A portavoz nacional do BNG, Ana Pontón, felicitou as festas de San Froilán á veciñanza de Lugo, cidade na que a formación frontista leva a cabo un traballo desde o goberno local do que a líder nacionalista di estar “orgullosa”.

Pontón visitou este venres a Cidade das Murallas para gozar xunto a membros do goberno local como o tenente de alcalde lugués, Rubén Arroxo, das festas de San Froilán, incluído o tradicional polbo das casetas.

“O San Froilán forma parte da miña biografía porque cando vivía en Sarria era unha festa que non perdía e hoxe estou encantada de poder compartir esta celebración que, ademais, está a ser un éxito que demostra o gran esforzo que hai detrás da súa organización”, manifestou a líder frontista, segundo recolle un comunicado.

Pontón, que desexou unhas “moi boas festas” aos lugueses e a todas as persoas que visiten a cidade estes días, enxalzou o labor feito polo BNG desde o goberno local, que comparten co Partido Socialista. Segundo a portavoz nacional, o BNG logrou “impulsar” Lugo a través de políticas “diferentes” como o proceso de peonalización.

“Non é unha actuación illada nin puntual, porque o Bloque ten un proxecto para que esta sexa unha cidade na que se camiñe máis, na que se gañe máis espazo para o público e para as persoas, na que se avance en dinamismo económico”, resaltou.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...