A asemblea local do BNG elixe a Rubén Arroxo como candidato á Alcaldía para as eleccións de 2023. O actual portavoz municipal e tenente alcalde foi o único aspirante a liderar a lista electoral do Bloque para o concello de Lugo.
Segundo traslada a formación nacionalista nun comunicado, manifestou o seu agradecemento a todos os que lle trasladaron o seu apoio.
“Nestas eleccións imos a por todas, en Lugo hai moitas persoas que acreditan no traballo serio e construtivo do BNG que executamos estes últimos anos desde o goberno municipal, co que estamos a cambiar Lugo”, proclamou.
“Aspiramos a multiplicar a representación do BNG para que Lugo siga avanzando, como outras moitas localidades nas que o BNG encabeza o goberno municipal”, esgrimiu, ademais de reivindicar o traballo feito na Tenencia de Alcaldía.
