A catedrática de Historia da arte Ana E. Goy Diz (Lugo, 1966), que desde maio era membro da Real Academia Galega de Belas Artes (Ragba), faleceu este luns, segundo confirman a Europa Press fontes da Universidade de Santiago de Compostela (USC).

Goy Diz era profesora e vicedecana da Facultade de Humanidades do Campus de Lugo e ata o momento impartía clases en diversas titulacións.

Fai menos de catro meses, o 28 de maio, ingresou na Real Academia Galega de Belas Artes, na categoría de ‘Expertos nas Artes’, tras pronunciar un discurso titulado ‘Ribeira Sacra: a construción dunha paisaxe cultural’.