A alcaldesa de Lugo, Lara Méndez valorou o Caudal Fest, un festival “tremendamente consolidada”, que se celebrou durante o pasado fin de semana na capital lucense con artistas como Estopa, Roube, Izal, Ilegales ou Morade.
Méndez sinalou que aínda “se fará unha valoración, en breve, con datos enrriba da mesa”, pero ‘a priori’ foi “como todos os anos”: “positiva e excelente, en canto a termos de afluencia e de datos económicos”. A rexedora lucense destacou que “a pesar do impás do añopasado, coas limitacións Covid e o anterior que non se puido celebrar”, agora o festival “recuperou a súa esencia”.
Así, subliñou que en catro edicións demostrouse que é “un festival tremendamente consolidado” e “de referencia a nivel galego e a nivel nacional”. “Xa é un festival onde a xente garda eses días para vir a Lugo. Iso permítenos achegar Lugo a toda a cidadanía que nos visita de Galicia e tamén xente que vén doutros lugares de España”, remarcou a alcaldesa.
En todo caso, afirmou que o seguimento durante os dous días de festival foi “masivo”, algo que se desprende da venda de todas as entradas; ata 30.000 mil para os dous días.
