Un motorista resultou ferido nunha colisión contra un turismo en Lugo na mañá do pasado martes. O accidente tivo lugar na confluencia das rúas Ángelo Colocci e Lavandeira.
Segundo informa a Policía Local, o motorista quedou cunha perna rota. Tras unha atención no lugar, o home foi evacuado ao Hospital Lucus Augusti (HULA) por unha ambulancia do 061.
Noutra orde de cousas, a Policía Local informa de que o marte foron interceptados dous condutores que deron positivo en alcol. Ademais, detectouse a outros dous condutores que non contaban con carné vixente tras perder os puntos.
Por outra banda, o Grupo Operativo Nocturno da Policía Local identificou na noite do martes ao mércores a un home que ía pola rúa Concepción Arenal cunha bolsa de cannabis.
