InicioSociedadeA acusación popular lamenta que non se incluíse o agravante de violencia...

A acusación popular lamenta que non se incluíse o agravante de violencia machista no crime das Gándaras

"Hai que ter en conta esa circunstancia de dominación, de control, dado que lle impedía chamar a outras persoas ou ter contacto con outros homes", sinala a Fundación Amigos de Galicia.

PUBLICADA O

- Advertisement -

A acusación popular, que encarna a Fundación Amigos de Galicia, lamentou que non se incluíse o agravante de violencia de xénero no fallo do tribunal de xurado que considerou culpable de asasinato ao home que matou a Clara Expósito no barrio das Gándaras, Javier Belda. No entanto, valorou “positivamente” a declaración de culpable do asasino que cometeu o delito en febreiro de 2020.

O tribunal de xurado, na noite deste mércores despois de tres días de xuízo na sección segunda da Audiencia Provincial de Lugo declarou culpable de asasinato ao home acusado de matar a Clara, unha muller de 49 anos, nas Gándaras, o 7 de febreiro de 2020.

O tribunal non tivo en conta a agravante de violencia de xénero –está pendente a reforma da lei en cumprimento do convenio de Istambul que amplía os supostos de violencia machista (como no caso de que non haxa unha relación sentimental)– e considerou que o procesado non tiña minguadas as súas facultades polo alcol ou a droga.

O avogado da acusación popular, Paco Lago, valorou de forma “positiva” o fallo do xurado, aínda que fixo fincapé en que pedían o agravante de violencia de xénero. “Pediamos o agravante de xénero en base a que el exercía unha dominación sobre ela. Aquela manifestación que parece que lle fixo, que esperamos que saia na sentenza, de que ‘como prefires que te mate, a coitelo ou a machete?'”, esgrimiu.

Con todo, Paco Lago valorou “positivamente que non se apreciase ningunha circunstancia modificativa en canto á capacidade do acusado e se apreciase o agravante de parentesco”, no veredicto do xurado. “Había unha convivencia, aínda que esa afectividade desaparecese ao final na aplicación desta circunstancia agravante, o normal é que cando unha persoa agride a outra a afectividade desaparecese en gran edida”, evidencia.

O avogado da Fundación Amigos de Galicia confía que Belda finalmente sexa condenado a unha pena de “entre 20 e 25 anos de prisión”. A acusación popular mantén os 25 anos de prisión, e Lago lembra que “o delito de asasinato está castigado entre 15 e 25 anos e, se concorre unha circunstancia de agravantes, habería que ir á metade superior, o que suporía entre 20 e 25 anos.

“Nós pedimos 25 anos porque é unha condición suficientemente grave e hai que ter en conta as circunstancias persoais do procesado cando cometeu os feitos, a relación que os mantiña unidos, ademais esa circunstancia de dominación, de control dado que lle impedía chamar a outras persoas ou ter contacto con outros homes”, concluíu.

A acusación popular pide 25 anos de condena, do mesmo xeito que a fiscalía e a acusación particular.

ÚLTIMAS

Piden 15 meses de prisión para un home que humillou a un camareiro en Lugo por ser estranxeiro e pola súa orientación sexual

A Fiscalía pide 15 meses de prisión e multas por 3.600 euros para un...

O Goberno de Lugo apoia a proposta de que a ponte sobre o Miño da N-540 reciba o nome de Tomás Notario Vacas

O goberno local de Lugo aceptou a proposta do Colexio de Enxeñeiros de Camiños, Canles e Portos para...

Choca contra un coche aparcado e ten que ser excarcerada

Os bombeiros tiveron que excarcerar este venres a unha condutora que resultou ferida ao...

Identificado un condutor que circulaba a 220 km/h nunha estrada de 100 km/h tras subir un vídeo

A Garda Civil investiga a un condutor que circulaba a 220 quilómetros por hora nunha estrada limitada...