O Ministerio de Transportes, Mobilidade e Axenda Urbana (Mitma) inicia este luns as obras de substitución de apoios e reparación de danos no taboleiro do paso superior do ramal A Coruña-Oviedo da ligazón da autovía A-8 en Baamonde, na provincia de Lugo, o que supón o corte de tráfico na zona. Por iso, establecéronse itinerarios alternativos “debidamente sinalizados”.
Así o informou nuns comunicado Transportes, no que explica que para poder executar as obras resulta “indispensable cortar ao tráfico o ramal A Coruña-Oviedo da autovía A-8″, situado na ligazón do quilómetro 522,890 da A-6 coa A-8 en Baamonde.
Por iso, todo o tráfico pasa a circular polo desvío alternativo pola estrada N-634, ata o quilómetro 634,780, para incorporarse de novo á autovía A-8 na ligazón do punto quilómetro 588, concreta o Ministerio.
Así mesmo, sinala que “é necesario realizar cortes de carril na calzada dereita da autovía A-6”, inicialmente no esquerdo, e posteriormente no dereito, entre os quilómetros 521,580 a 522,060, debido ao que se canalizará en cada caso o tráfico polo carril que permaneza aberto.
