A deputación de Lugo comezou este mércores a roza dos máis de 4.200 quilómetros de estradas provinciais, aos que destinará máis dun millón de euros este ano.
Tal como informou a institución provincial nun comunicado, os traballos comezaron de forma simultánea nas 24 zonas nas que está dividido o contrato da rede viaria dependente da Deputación, co obxectivo de levalos a cabo dunha forma “máis eficiente”.
“Con estas tarefas, a Deputación mellorará a seguridade viaria e a comodidade dos condutores, ademais de favorecer a prevención de incendios durante o verán”, subliñou.
