A área sanitaria de Lugo nega que se desestimen permisos a persoal de enfermaría do HULA

Así o denunciou a CIG, que xa convocou mobilizacións ao respecto.

Un paciente con Covid-19 é trasladado ao HULA | Fonte: Carlos Castro - Europa Press - Arquivo.

O xerente da área sanitaria de Lugo, A Mariña e Monforte, Ramón Ares, negou que se estean desestimando permisos ao persoal de enfermaría do hospital como denuncia a CIG, que convocou protestas por este motivo. Ares puntualizou que se traballa “desde a xerencia e desde a dirección de enfermaría, en definitiva todo o equipo directivo, para que todo o mundo poida ir de vacacións cando se solicitan”.

Avanzou que practicamente se configuraron as vacacións do persoal do HULA e comprometeuse a “chegar ao cen de activación de todas as vacacións“. En canto aos permisos, o xerente recoñeceu que teñen problemas para contratar porque xa non hai xente nas listas de contratación debido a que “xa están a traballar e a pesar diso en maio pedíronse 600 permisos de libre disposición e só negáronse once”,

Ademais, pormenorizou que en maio se autorizaron todas as vacacións. “Todo o mundo ten dereito a días de permiso e a gozar dos mesmos pero temos que garantir a asistencia sanitaria que está garantida”, sentenciou Ramón Ares.