A Policía Local de Lugo interceptou a un condutor que duplicou a taxa máxima de alcoholemia, obtivo 0,69 mg/l, permitida despois de chocar contra dous coches aparcados. Segundo informou a Policía Local, sobre as 2,30 horas do 11 de maio un equipo de Atestados da Policía Local desprazouse á rúa San Roque porque un vehículo chocara contra dous turismos estacionado e un deles desprazouse e bateu cun terceiro.
Os axentes mobilizados observaron que o condutor presentaba “signos de embriaguez”, polo que foi sometido ás probas nas que obtivo positivo de 0,69 mg/l. Por iso, indicaron as mesmas fontes policiais, instruíronse dilixencias por delito contra a seguridade viaria na modalidade de xuízo rápido.
