InicioSociedadeO avogado das familias das vítimas do dobre crime do Cash Record...

O avogado das familias das vítimas do dobre crime do Cash Record en Lugo estima o xuízo para final de ano

Destaca que se trata do "proceso máis antigo de España" e valora que, "aínda que é xustiza tardía, é xustiza á fin e ao cabo"

PUBLICADA O

- Advertisement -

O avogado das familias das vítimas do dobre crime do Cash Record sucedido en Lugo hai 28 anos estima que a celebración xuízo para finais de ano ou principios do próximo, despois de que a Audiencia Provincial ditase o auto de procesamiento cun único investigado e principal sospeitoso para as familias, un hostaleiro que reside agora en Burgos.

O letrado das familias, Gerardo Pardo de Vera, aclarou que, tras o último auto da Audiencia Provincial, “queda un trámite” que é que as “partes” se pronuncien “acerca do que cren, se é procedente o sobresemento ou xuízo oral”.

“Hai un trámite que é definitivo onde as partes van pronunciarse acerca do que cren, se é procedente o sobresemento ou xuízo oral e a audiencia (provincial) ten que decidir nese sentido”, puntualizou.

Unha vez superado ese “trámite”, xa só cabe “o señalamento do xuízo oral, e esa decisión vaise a producir nun prazo curto de tempo, sobre dous meses, e despois o xuízo que dependerá da axenda do tribunal”, explicou. Con todo, estima que o xuízo non se celebrará antes de fin de ano, aínda que se non é así, apunta a que podería celebrarse a principios do próximo 2023.

Pardo de Beira ten claro que a “Xustiza” foi “moi lenta”, con este caso tras cumprirse o pasado 30 de abril 28 anos desde que foron asesinador a tiros a caixeira Elena López e o reponedor Esteban Carballedo. No mesmo distribuidor de alimentación, no Cash Reccord no polígono industrial do Ceao, o autor ou autores levaron un botín de cinco millóns das vellas pesetas.

“PROCESO MÁIS ANTIGO”

O avogado lucense afirmou, seguidamente, que se trata do “proceso máis antigo de España”. “Estamos satisfeitos despois de 28 anos. A Xustiza é un valor absoluto, é verdade que se dilúe a medida que se cumpren os tempos dos procesos. Aínda que é xustiza tardía, é xustiza á fin e ao cabo”, concluíu.

O xuízo sentará no banco a un hostaleiro, que no momento dos feitos, o 30 de abril de 1994, era o propietario dun bar no centro da cidade de Lugo e que agora case 30 anos despois reside en Burgos.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...