O Concello de Lugo informou de que xa ordenou a retirada da estreleira, a bandeira galega con estrela vermella, colocada no cuartel de San Fernando, sobre o que o PP local pediu abrir unha investigación.
O Concello trasladou que “non se permite colocar bandeiras ligadas a formacións políticas en edificios públicos” e que por tanto mandouse “retirar”.
O goberno de Lara Méndez lamenta, así mesmo, que o PP “non dedique o seu tempo a defender os intereses dos lucenses”, facéndose eco da petición para que a Xunta “financie” a recuperación do cuartel como museo da romanización, un compromiso adquirido cos veciños e que “se nega a cumprir”, a pesar de que é un BIC e os restos arqueolóxicos son de titularidade da Xunta.
“Resulta lamentable que Feijóo marche a Madrid tamén sen cumprir este compromiso con Lugo e coa alcaldesa na reunión que mantiveron este mandato”, manifestou o goberno local, que insta “o señor Carballo a elixir se traballa por Lugo ou por manter o seu escano no Parlamento”.
