InicioSociedadeO paro no transporte deixa sen froita e verdura o banco de...

O paro no transporte deixa sen froita e verdura o banco de alimentos de Lugo

Dispón dunha reserva de produtos non perecedoiros para só un mes.

PUBLICADA O

- Advertisement -

O paro no transporte que arrinca este luns a súa terceira semana deixou sen froita nin verdura o banco de alimentos da cidade de Lugo que, ademais, dispón dunha reserva de produtos non perecedoiros para só un mes.

Así o indicou a presidenta do Banco de Alimentos, Amadora Núñez, que incidiu en que o paro que mantén unha parte do sector do transporte e ao que se sumaron outros sectores fixo baixar as reservas de produtos. “Aínda que nos amola moito, hai que respectar os seus dereitos”, sinalou antes de subliñar que aínda contan en “abundancia” con produtos non perecedoiros como arroz, pasta, lentellas, aceite, azucre e cacao; aínda que só para “aguantar un mes ou mes e pico”.

Ademais, puxo o foco en que a inflación tamén limita a capacidade do banco de alimentos, xa que a subida de prezos limitou nun “40%” o poder adquisitivo da entidade benéfica. “O que o ano pasado valía 70 céntimos este ano vale 1,10 ou 1,15 euros. Coa inflación isto é unha tolemia, cazounos de cheo”, lamentou.

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...