InicioLugo e contornaLugoConvocan unha manifestación en Lugo para pedir a fin da okupación na...

Convocan unha manifestación en Lugo para pedir a fin da okupación na cidade

Piden que non se acheguen axudas sociais aos okupas e a creación dunha lei para a expulsión acelerada dos mesmos.

PUBLICADA O

- Advertisement -

Nova manifestación en Lugo contra o fenómeno da okupación. A asociación veciñal “Porta de Lugo” vén de convocar unha mobilización para o vindeiro día 26 fronte á problemática que, din, sofre a cidade. A concentración partirá dende a avenida Adolfo Suárez ás 12 da mañá e prevé facer un breve percorrido pola urbe romana para facer chegar unha serie de demandas aos distintos corpos da administración.

Así, a asociación require ao Goberno Central que de forma “inmediata” dispoña unha nova lexislación “anti-okupación” para facer valer o dereito dos propietarios a recuperar a súa vivenda “dende o minuto un da ocupación”, unha circunstancia que xa se cumpre no caso de que a vivenda en cuestión se trate dun primeiro domicilio.

Igualmente, a plataforma demanda da Xunta de Galicia solucións habitacionais “para persoas con dereito”, unha circunstancia que ao seu ver debería de ir incorporada nunha Lei de vivenda de Galicia. Pídenlles tamén que desenvolan negociacións xa para liberar os pisos ou locais xa okupados.

Por último, esixen ao Concello lucense que non inscriba en padrón a “non propietarios nin  arrendadores” e que, igualmente,  “non se acheguen axudas sociais a okupas”. Esta non é a primeira mobilización antiokupas que se realiza en Lugo, unha das urbes galegas na que máis proliferou o fenómeno dos grupos parapoliciais que se dedican a botar pola forza aos inquilinos irregulares das vivendas doutros propietarios.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...