- Advertisement -
A Comisión Permanente do Consello Xeral do Poder Xudicial (CGPJ) acordou este xoves a especialización de seis xulgados do penal para o enxuizamento e execución de asuntos de violencia sobre a muller nos partidos xudiciais de Lugo, Badaxoz, Logroño, Salamanca, Móstoles (Madrid) e Donostia-San Sebastián.
Tal e como explicou o órgano de goberno dos xuíces, esta decisión, que en Lugo afecta o Xulgado do Penal número 2 da cidade, enmárcase no acordo adoptado en febreiro de 2020, a proposta da presidenta do Observatorio contra a Violencia Doméstica e de Xénero, Ángeles Carmona, co fin de dar cumprimento ao Pacto de Estado asinado por todas as forzas parlamentarias en 2017 e ao mandato contido na Lei Orgánica do Poder Xudicial.
