A Policía Local de Lugo tramitou este pasado fin de semana unha denuncia a un local de hostalaría da capital luguesa por incumprir o horario de peche a outro catro a persoas por non usar a máscara.

Segundo informa a Policía Local, durante a madrugada deste pasado sábado e domingo, efectivos do Grupo Operativo Nocturno da Policía Local de Lugo estableceron dispositivos para o control da normativa Covid na que realizaron varias denuncias.

As mesmas fontes municipais puntualizaron que se realizaron catro actas denuncia por infracción á Lei de Saúde galega por non facer uso de máscara; outra de infracción á Lei de Residuos de Galicia por ouriñar na vía pública, así como unha por quebrantamento de horario de peche dun local de hostalaría.

A estas engádense dúas actas de denuncia por infracción á Lei de Seguridade Cidadá por falta de respecto aos axentes da autoridade.