Os casos activos de covid baixan en Galicia dos 4.000, concretamente rexístranse 3.986 infeccións e os novos contaxios volven estar por baixo dos 150. Ademais, a taxa de positividad é do 4,38% –por baixo do 5% que marca a OMS– e a presión hospitalaria continúa coa súa lixeira tendencia ao alivio, con oito hospitalizados menos.
Así, segundo a información notificada polo Sergas na tarde deste venres (con datos solicitados ata o xoves), nas últimas horas confirmáronse 146 novos contaxios por este coronavirus, o que supón 30 casos menos que os notificados a xornada anterior.
Por áreas, na da Coruña detectáronse 51 novos contaxios, en Santiago hai 18 casos novos; na área de Vigo notificáronse 24 contaxios; na de Lugo, 27 contaxios; na de Ourense, 15 casos máis; na área sanitaria de Pontevedra foron oito casos novos; e na de Ferrol rexistrouse tres contaxios novos.
No balance deste xoves, Sanidade informa de que Galicia conta con 3.986 persoas coa infección por Covid activa, o que supón 807 casos menos que os notificados o xoves. Por áreas, o maior número de enfermos está na da Coruña, con 1.064 casos (161 menos), seguida por Lugo, con 803 casos (147 menos). No caso lucense hai, á parte, 5 pacientes en UCI –un máis que na xornada anterior–, dos 43 repartidos por Galicia.
MORTES
Na última xornada rexistráronse 3 mortes. Dúas destas mulleres faleceron no Complexo Hospitalario Universitario (Chuac), de 57 e 81 anos. Mentres, a terceira vítima, de 82 anos, feneceu no HULA de Lugo. Así mesmo, ata o momento, realizáronse en Galicia máis de 2,7 millóns de probas PCR. Segundo os datos que publica este venres por Sanidade, nas últimas horas a taxa de positividad das probas PCR realizadas (o número de casos de Covid confirmados por cada 100 probas) é do 4,38%, por baixo do 5 % que a OMS establece como límite para dar por controlada a pandemia.
